ಸಂಕಲ್ಪಮ್ ಕಮಲೇ ಕಮಲಾಕ್ಷ ವಲ್ಲಭೆ ತ್ವಂ ಕರುಣಾಪೂರ ತರಂಗೀತೈರ್ ಅಪಂಗೈ: ಅವಲೋಕಯ ಮಾಂ ಅಕಿಂಚನಾನಾಮ್ ಪ್ರಥಮಂ, ಪಾತ್ರಂ ಅಕ್ರತ್ರಿಮಮ್ ದಯಾಯಾ: ಕಮಲಾಸನ ಪಾಣಿನಾ ಲಲಾಟೆ ಲಿಖಿತ ಮೋಕ್ಷರ ಪಂಕ್ತಿಮ್ ಅಸ್ಯ ಜಂತೋ: | ಪರಿಮಾರ್ಜಯಮ್ ಮಾತ: ಅಂಗ್ರಿಣಾತೆ ಧನಿಕದ್ವಾರ ನಿವಾಸ ದುಃಖದೋಗ್ಧ್ರೀಂ ಗಣಪತಿ ಪ್ರಾರ್ಥನ ವಂದೇ ವಂದಾರು ಮಂದಾರಮಿಂದಿರಾನಂದ ಕಂದಲಂ ಅಮಂದಾನಂದ ಸಂದೋಹ ಬಂಧುರಂ ಸಿಂಧುರಾನನಂ ಧ್ಯಾನ ಶ್ಲೋಕ ದಿಗ್ಘಸ್ತಿಭಿಃ ಕನಕ ಕುಂಭಮುಖಾವಸೃಷ್ಟ ಸ್ವರ್ವಾಹಿನೀ ವಿಮಲಚಾರು ಜಲಾಪ್ಲುತಾಂಗೀಮ್ । ಪ್ರಾತರ್ನಮಾಮಿ ಜಗತಾಂ ಜನನೀಂ ಅಶೇಷ ಲೋಕಧಿನಾಥ ಗೃಹಣೀಮ್ ಅಮೃತಾಬ್ಧಿಪುತ್ರೀಮ್ ಕನಕಧಾರಾ ಸ್ತೋತ್ರ ಅಂಗಂ ಹರೇಃ ಪುಲಕಭೂಷಣ ಮಾಶ್ರಯಂತೀ ಭೃಂಗಾಂಗನೇವ ಮುಕುಳಾ ಭರಣಂ ತಮಾಲಮ್ । ಅಂಗೀಕೃತಾಖಿಲ ವಿಭೂತಿ ರಪಾಂಗಲೀಲಾ ಮಾಂಗಲ್ಯ ದಾಸ್ತು ಮಮ ಮಂಗಳ ದೇವತಾಯಾಃ ಮುಗ್ಧಾ ಮುಹುರ್ವಿದಧತೀ ವದನೇ ಮುರಾರೇಃ ಪ್ರೇಮತ್ರಪಾ ಪ್ರಣಿಹಿತಾನಿ ಗತಾಗತಾನಿ । ಮಾಲಾದೃಶೋರ್ ಮಧುಕರೀವ ಮಹೋತ್ಪಲೇ ಯಾ ಸಾ ಮೇ ಶ್ರಿಯಂ ದಿಶತು ಸಾಗರ ಸಂಭವಾ ಯಾಃ ವಿಶ್ವಾಮರೇಂದ್ರ ಪದವಿಭ್ರಮ ದಾನ ದಕ್ಷಂ ಆನಂದಹೇತು ರಧಿಕಂ ಮುರವಿದ್ವಿಷೋಽಪಿ । ಈಷನ್ನಿಷೀದತು ಮಯಿ ಕ್ಷಣಮೀಕ್ಷಣಾರ್ಥಂ ಇಂದೀವರೋದರ ಸಹೋದರಮಿಂದಿರಾ ಯಾಃ ಆಮೀಲಿತಾಕ್ಷ ಮಧಿಗ್ಯಮ ಮುದಾ ಮುಕುಂದಂ ಆನಂದಕಂದ ಮನಿಮೇಷ ಮನಂಗ ತಂತ್ರಮ್ । ಆಕೇಕರ ಸ್ಥಿತ ಕನೀನಿಕ ಪಕ್ಷ್ಮ ನೇತ್ರಂ ಭೂತ್ಯೈ ಭವನ್ಮಮ ಭುಜಂಗ ಶಯಾಂಗನಾ ಯಾಃ ಕಾಲಾಂಬುದಾಳಿ ಲಲಿತೋರಸಿ ಕೈಟಭಾರೇಃ ಧಾರಾ ಧರೇ ಸ್ಫುರತಿ ಯಾ ತಟಿದಂಗನೇವ । ಮಾತುಸ್ಸಮಸ್ತಜಗತಾಂ ಮಹನೀಯಮೂರ್ತಿಃ ಭದ್ರಾಣಿ ಮೇ ದಿಶತು ಭಾರ್ಗವ ನಂದನಾಯಾಃ ಬಾಹ್ವಂತರೇ ಮುರಜಿತ: ಶ್ರಿತಕೌಸ್ತುಭೇ ಯಾ ಹಾರಾವಳೀವ ಹರಿನೀಲ ಮಯೀ ವಿಭಾತಿ । ಕಾಮಪ್ರದಾ ಭಗವತೋಽಪಿ ಕಟಾಕ್ಷಮಾಲಾ ಕಳ್ಯಾಣಮಾವಹತು ಮೇ ಕಮಲಾಲಯಾ ಯಾಃ ಪ್ರಾಪ್ತಂ ಪದಂ ಪ್ರಥಮತಃ ಖಲು ಯತ್ಪ್ರಭಾವಾತ್ ಮಾಂಗಲ್ಯಭಾಜಿ ಮಧುಮಾಥಿನಿ ಮನ್ಮಥೇನ । ಮಯ್ಯಾಪತೇ ತ್ತದಿಹ ಮಂಥರ ಮೀಕ್ಷಣಾರ್ಥಂ ಮಂದಾಲಸಂ ಚ ಮಕರಾಲಯ ಕನ್ಯಕಾಯಾಃ ದದ್ಯಾದ್ದಯಾನು ಪವನೋ ದ್ರವಿಣಾಂಬುಧಾರಾಂ ಅಸ್ಮಿನ್ನಕಿಂಚನ ವಿಹಂಗ ಶಿಶೌ ವಿಷಣ್ಣೇ । ದುಷ್ಕರ್ಮ ಘರ್ಮ ಮಪನೀಯ ಚಿರಾಯ ದೂರಂ ನಾರಾಯಣ ಪ್ರಣಯಿನೀ ನಯನಾಂಬುವಾಹಃ ಇಷ್ಟಾ ವಿಶಿಷ್ಟಮತಯೋಪಿ ಯಯಾ ದಯಾರ್ದ್ರ ದೃಷ್ಟಾ ಸ್ತ್ರಿವಿಷ್ಟಪ ಪದಂ ಸುಲಭಂ ಲಭಂತೇ । ದೃಷ್ಟಿಃ ಪ್ರಹೃಷ್ಟ ಕಮಲೋದರ ದೀಪ್ತಿರಿಷ್ಟಾಂ ಪುಷ್ಟಿಂ ಕೃಷೀಷ್ಟ ಮಮ ಪುಷ್ಕರ ವಿಷ್ಟರಾ ಯಾಃ ಗೀರ್ದೇವ ತೇತಿ ಗರುಡಧ್ವಜ ಸುಂದರೀತಿ ಶಾಕಂಬರೀತಿ ಶಶಿಶೇಖರ ವಲ್ಲಭೇತಿ । ಸೃಷ್ಟಿ ಸ್ಥಿತಿ ಪ್ರಳಯ ಕೇಳಿಷು ಸಂಸ್ಥಿತಾಯೈ ತಸ್ಯೈ ನಮಸ್ತ್ರಿಭುವನೈಕ ಗುರೋಸ್ತರುಣ್ಯೈ ಶ್ರುತ್ಯೈ ನಮೋಽಸ್ತು ಶುಭಕರ್ಮ ಫಲಪ್ರಸೂತ್ಯೈ ರತ್ಯೈ ನಮೋಽಸ್ತು ರಮಣೀಯ ಗುಣಾರ್ಣವಾಯೈ । ಶಕ್ತ್ಯೈ ನಮೋಽಸ್ತು ಶತಪತ್ರ ನಿಕೇತನಾಯೈ ಪುಷ್ಟ್ಯೈ ನಮೋಽಸ್ತು ಪುರುಷೋತ್ತಮ ವಲ್ಲಭಾಯೈ ನಮೋಽಸ್ತು ನಾಳೀಕ ನಿಭಾನನಾಯೈ ನಮೋಽಸ್ತು ದುಗ್ಧೋದಧಿ ಜನ್ಮಭೂಮ್ಯೈ । ನಮೋಽಸ್ತು ಸೋಮಾಮೃತ ಸೋದರಾಯೈ ನಮೋಽಸ್ತು ನಾರಾಯಣ ವಲ್ಲಭಾಯೈ ನಮೋಽಸ್ತು ಹೇಮಾಂಬುಜ ಪೀಠಿಕಾಯೈ ನಮೋಽಸ್ತು ಭೂಮಂಡಲ ನಾಯಿಕಾಯೈ । ನಮೋಽಸ್ತು ದೇವಾದಿ ದಯಾಪರಾಯೈ ನಮೋಽಸ್ತು ಶಾರಂಗಾಯುಧ ವಲ್ಲಭಾಯೈ ನಮೋಽಸ್ತು ದೇವ್ಯೈ ಭೃಗುನಂದನಾಯೈ ನಮೋಽಸ್ತು ವಿಷ್ಣೋರುರಸಿ ಸ್ಥಿತಾಯೈ । ನಮೋಽಸ್ತು ಲಕ್ಷ್ಮ್ಯೈ ಕಮಲಾಲಯಾಯೈ ನಮೋಽಸ್ತು ದಾಮೋದರ ವಲ್ಲಭಾಯೈ ನಮೋಽಸ್ತು ಕಾಂತ್ಯೈ ಕಮಲೇಕ್ಷಣಾಯೈ ನಮೋಽಸ್ತು ಭೂತ್ಯೈ ಭುವನಪ್ರಸೂತ್ಯೈ । ನಮೋಽಸ್ತು ದೇವಾದಿಭಿರರ್ಚಿತಾಯೈ ನಮೋಽಸ್ತು ನಂದಾತ್ಮಜ ವಲ್ಲಭಾಯೈ ಸಂಪತ್ಕರಾಣಿ ಸಕಲೇಂದ್ರಿಯ ನಂದನಾನಿ ಸಾಮ್ರಾಜ್ಯ ದಾನವಿಭವಾನಿ ಸರೋರುಹಾಕ್ಷಿ । ತ್ವದ್ವಂದನಾನಿ ದುರಿತೋ ಧ್ಧರಣೋದ್ಯತಾನಿ ಮಾಮೇವ ಮಾತರನಿಶಂ ಕಲಯಂತು ನಾನ್ಯೇ ಯತ್ಕಟಾಕ್ಷ ಸಮುಪಾಸನಾ ವಿಧಿಃ ಸೇವಕಸ್ಯ ಸಕಲಾರ್ಥ ಸಂಪದಃ । ಸಂತನೋತಿ ವಚನಾಂಗ ಮಾನಸೈಃ ತ್ವಾಂ ಮುರಾರಿಹೃದಯೇಶ್ವರೀಂ ಭಜೇ ಸರಸಿಜನಿಲಯೇ ಸರೋಜ ಹಸ್ತೇ ಧವಳತರಾಂಶುಕ ಗಂಧಮಾಲ್ಯಶೋಭೇ । ಭಗವತಿ ಹರಿವಲ್ಲಭೇ ಮನೋಜ್ಞೇ ತ್ರಿಭುವನ ಭೂತಿ ಕರೀ ಪ್ರಸೀದಮಹ್ಯಮ್ ದಿಗ್ಘಸ್ತಿಭಿಃ ಕನಕ ಕುಂಭಮುಖಾವಸೃಷ್ಟ ಸ್ವರ್ವಾಹಿನೀ ವಿಮಲಚಾರುಜಲಾಪ್ಲುತಾಂಗೀಮ್ । ಪ್ರಾತರ್ನಮಾಮಿ ಜಗತಾಂ ಜನನೀಂ ಅಶೇಷ ಲೋಕಧಿನಾಥ ಗೃಹಣೀಮ್ ಅಮೃತಾಬ್ಧಿಪುತ್ರೀಮ್ ಪ್ರಕ್ಷಿಪ್ತ ಶ್ಲೋಕಗಳು ಬಿಲ್ವಾಟವಿ ಮಧ್ಯ ಲಸತ್ ಸರೋಜೆ ಸಹಸ್ರ ಪತ್ರೆ ಸುಖಿ ಸನ್ನಿವಿಷ್ಟಮ್ | ಅಷ್ಟ ಪದಾಂ ಭೋರುಹ ಪಾಣಿಪದ್ಮಾಮ್ ಸ್ಟುವರ್ಣ ವರ್ಣಾಮ್ ಪ್ರಣಮಾಮಿ ಲಕ್ಷ್ಮೀಮ್ ಅಂಬೋ ರುಹಂ ಜನ್ಮ ಗೃಹಂ ಭಾವತ್ಯಾ: ವಕ್ಷಸ್ಥಲಂ ಭರ್ತುಗೃಹಂ ಮುರಾರೇ: ಕಾರುಣ್ಯತಃ ಕಲ್ಪಯ ಪದ್ಮವಾಸೆ | ಲೀಲಾಗೃಹಂ, ಮೆ ಹೃದಯಾರವಿಂದಂ ಫಲ ಶ್ರುತಿ ಸ್ತುವಂತಿ ಯೇ ಸ್ತುತಿಭಿರಮೂಭಿರನ್ವಹಂ ತ್ರಯೀಮಯೀಂ ತ್ರಿಭುವನಮಾತರಂ ರಮಾಮ್ । ಗುಣಾಧಿಕಾ ಗುರುತುರ ಭಾಗ್ಯ ಭಾಜಿನೋ ಭವಂತಿ ತೇ ಭುವಿ, ಬುಧ ಭಾವಿತಾಶಯಾಃ ಸುವರ್ಣಧಾರಾ ಸ್ತೋತ್ರಂ ಯಚ್ಛಂಕರಾಚಾರ್ಯ ನಿರ್ಮಿತಂ ತ್ರಿಸಂಧ್ಯಂ ಯಃ ಪಠೇನ್ನಿತ್ಯಂ ಸ ಕುಬೇರಸಮೋ ಭವೇತ್